وہ کم سخن نہ تھا پر بات سوچ کر کرتا

وہ کم سخن نہ تھا پر بات سوچ کر کرتا

یہی سلیقہ اسے سب میں معتبر کرتا

نہ جانے کتنی غلط فہمیاں جنم لیتیں

میں اصل بات سے پہلو تہی اگر کرتا

میں سوچتا ہوں کہاں بات اس قدر بڑھتی

اگر میں تیرے رویے سے در گزر کرتا

مرا عدو تو تھا علم الکلام کا ماہر

مرے خلاف زمانے کو بول کر کرتا

اکیلے جنگ لڑی جیت لی تو سب نے کہا

پہنچتے ہم بھی اگر تو ہمیں خبر کرتا

مری بھی چھاؤں نہ ہوتی اگر تمہاری طرح

میں انحصار بزرگوں کے سائے پر کرتا

سفر میں ہوتی ہے پہچان کون کیسا ہے

یہ آرزو تھی مرے ساتھ تو سفر کرتا

گئے دنوں میں یہ معمول تھا مرا تیمورؔ

زیادہ وقت میں اک خواب میں بسر کرتا

(901) ووٹ وصول ہوئے

Your Thoughts and Comments

In Urdu By Famous Poet Taimur Hasan. is written by Taimur Hasan. Enjoy reading  Poem on Inspiration for Students, Youth, Girls and Boys by Taimur Hasan. Free Dowlonad  by Taimur Hasan in PDF.