مجھے بھی نیم کے جیسا نہ کر دے

مجھے بھی نیم کے جیسا نہ کر دے

کہ تلخی زیست کی کڑوا نہ کر دے

یہ تیری آرزو ایسا نہ کر دے

زمانے میں مجھے رسوا نہ کر دے

محبت زندگی سے وہ بھی بے حد

کہیں یہ زندگی دھوکا نہ کر دے

تو اس سے قبل ہو آنکھوں سے اوجھل

مرا مالک مجھے اندھا نہ کر دے

عطا کر دے الٰہی پھر سے بچپن

مجھے ہر فکر سے بیگانہ کر دے

سجا دے دن میں تارے شب میں سورج

اگر وہ چاہے تو کیا کیا نہ کر دے

سیاست کے اگر بس میں ہو گوہرؔ

محبت پر بھی وہ جرمانہ کر دے

(598) ووٹ وصول ہوئے

Your Thoughts and Comments

In Urdu By Famous Poet Tanweer Gauhar. is written by Tanweer Gauhar. Enjoy reading  Poem on Inspiration for Students, Youth, Girls and Boys by Tanweer Gauhar. Free Dowlonad  by Tanweer Gauhar in PDF.