دشت کی خاک بھی چھانی ہے

دشت کی خاک بھی چھانی ہے

گھر سی کہاں ویرانی ہے

ایسی پیاس اور ایسا صبر

دریا پانی پانی ہے

قاتل کوئی اپنا تھا

آنکھوں میں حیرانی ہے

کشتی والے ہیں مایوس

گھٹنوں گھٹنوں پانی ہے

کوئی یہ بھی سوچے گا

کیسے آگ بجھانی ہے

ہم نے چکھ کر دیکھ لیا

دنیا کھارا پانی ہے

ایک برس اور بیت گیا

کب تک خاک اڑانی ہے

(720) ووٹ وصول ہوئے

Your Thoughts and Comments

In Urdu By Famous Poet Vikas Sharma Raaz. is written by Vikas Sharma Raaz. Enjoy reading  Poem on Inspiration for Students, Youth, Girls and Boys by Vikas Sharma Raaz. Free Dowlonad  by Vikas Sharma Raaz in PDF.