Aai Ai Gul-ezar Kya Kahna

aai ai gul-ezar kya kahna

KHub aai bahaar kya kahna

mehndi mal kar hai choT marjaan par

hath lala-nigar kya kahna

mujh se aashiq ke aur yun nafrin

wah shabash yar kya kahna

barq bhi darkinar rah jae

han dil-e-be-qarar kya kahna

lakh bar imtihan-e-ishq kiya

na kaha ek bar kya kahna

bahs-e-girya mein abr bol gaya

dida-e-ashk-bar kya kahna

main to rota hun aap hanste hain

yahi hota hai yar kya kahna

saKHti-e-ishq jhel le ai dil

wah re burdbar kya kahna

mar gae hum magar na rahm aaya

wahi tewar hain yar kya kahna

KHar KHar-e-gham-e-dil-e-pur-dard

chiKH kar ai hazar kya kahna

kah to lalkar len raqibon ko

baat rakh li nigar kya kahna

josh-e-ulfat mein aur zabt ai dil

jabr par iKHtiyar kya kahna

yun to jo gul hai KHub hai lekin

tera ai gul-ezar kya kahna

ai 'saba' dawa-e-anal-haq hai

KHub soche ho yar kya kahna

(872) Peoples Rate This

Your Thoughts and Comments

Aai Ai Gul-ezar Kya Kahna In English By Famous Poet Wazir Ali Saba Lakhnavi. Aai Ai Gul-ezar Kya Kahna is written by Wazir Ali Saba Lakhnavi. Read famous Poem Aai Ai Gul-ezar Kya Kahna for youth and Student by Wazir Ali Saba Lakhnavi. Free Download Aai Ai Gul-ezar Kya Kahna in PDF.