Ai Saba Jazb Pe Jis Dam Dil-e-nashad Aaya

ai saba jazb pe jis dam dil-e-nashad aaya

apni aaghosh mein uD kar wo pari-zad aaya

mahw-e-abru ke liye KHanjar-e-faulad aaya

zabh karna bhi na tujh ko mere jallad aaya

sar-kashi par jo wo sarw-e-sitam-ijad aaya

pas aare ke ghisaTta hua shamshad aaya

chashm-e-musa hama-tan ban gaya main hairat se

dekha ek but ka wo aalam ki KHuda yaad aaya

dam-e-aghaz-e-junun tauq gulu-gir hua

ghul machane bhi na pae thi ki haddad aaya

kaT gae mare KHajalat ke jawanan-e-chaman

baDh par qad jo tera o sitam-ijad aaya

aashiqon se na raha koi zamana KHali

kabhi wamiq kabhi majnun kabhi farhad aaya

dil mein ek dard uTha aankhon mein aansu bhar aae

baiThe baiThe hamein kya jaaniye kya yaad aaya

roe ghurbat mein hujum-e-gul-e-sahrai par

chaman-e-majma-e-yaran-e-watan yaad aaya

mizha-e-yar ke nashtar ke hue saudai

KHun-e-fasid ki tarah josh mein fassad aaya

ban gaya KHal-e-jabin kaukab-e-baKHt-e-yusuf

kis taraqqi pe tera husn-e-KHuda-dad aaya

aariz-e-saf ka khincha na gaya jab naqsha

aaina le ke tere samne bahzad aaya

bait-e-hasti ke 'saba' ho gae mani raushan

KHwaja-'atish' sa zamane mein jo ustad aaya

(516) Peoples Rate This

Your Thoughts and Comments

Ai Saba Jazb Pe Jis Dam Dil-e-nashad Aaya In English By Famous Poet Wazir Ali Saba Lakhnavi. Ai Saba Jazb Pe Jis Dam Dil-e-nashad Aaya is written by Wazir Ali Saba Lakhnavi. Read famous Poem Ai Saba Jazb Pe Jis Dam Dil-e-nashad Aaya for youth and Student by Wazir Ali Saba Lakhnavi. Free Download Ai Saba Jazb Pe Jis Dam Dil-e-nashad Aaya in PDF.