Dekh Kar KHush-rang Us Gul-pairahan Ke Hath Panw

dekh kar KHush-rang us gul-pairahan ke hath panw

phul jate hain jawanan-e-chaman ke hath panw

jab na dekhe chaar din us gul-badan ke hath panw

sukh kar kanTa hue ahl-e-chaman ke hath panw

hum wo mai-kash hain jo hota hai hamein ranj-e-KHumar

TuTte hain saqi-e-paiman-shikan ke hath panw

un ke maqtulon ki qabren is qadar khodi gain

thak ke taKHta ho gae har gorkan ke hath panw

aati jati choT bhi sach hi nazar aati nahin

aaj-kal chalte hain kya us tegh-zan ke hath panw

KHaksari ka maza hota jo ai KHusraw tujhe

aab-e-shirin se dhulata kohkan ke hath panw

hathkaDi beDi baDi zoron se pahnai mujhe

ai junun shal ho gae ahl-e-watan ke hath panw

kaT Dala dast-e-shaKH-e-gul ko pa-e-sarw ko

baghban ne dekh kar us gul-badan ke hath panw

tausan-e-mushkin se jab us turk ki tashbih di

joD mein Thahre na aahu-e-KHutan ke hath panw

apne gesu-e-rasa se yar rassi ki tarah

bandhta hai aashiq-e-chah-e-zaqan ke hath panw

naujawanan-e-chaman us gul se tharraate hain yun

jis tarah kanpen kisi pir-e-kuhan ke hath panw

shab ko garm-e-raqs hota hai jo wo aatish-mizaj

shama san jalte hain sare anjuman ke hath panw

hathkaDi beDi jo mujh majnun ki utri baad-e-marg

qabr mein TukDe uDaenge kafan ke hath panw

ho gai KHam Thonk kar dew-e-KHizan ke samne

kya kasile hain jawanan-e-chaman ke hath panw

shahid-e-maqsad tumhein be-wasta mil jaega

ai 'saba' chumo na shaiKH-o-barahman ke hath panw

(505) Peoples Rate This

Your Thoughts and Comments

Dekh Kar KHush-rang Us Gul-pairahan Ke Hath Panw In English By Famous Poet Wazir Ali Saba Lakhnavi. Dekh Kar KHush-rang Us Gul-pairahan Ke Hath Panw is written by Wazir Ali Saba Lakhnavi. Read famous Poem Dekh Kar KHush-rang Us Gul-pairahan Ke Hath Panw for youth and Student by Wazir Ali Saba Lakhnavi. Free Download Dekh Kar KHush-rang Us Gul-pairahan Ke Hath Panw in PDF.