Kis Munh Se Kahen Gunah Kya Hain

kis munh se kahen gunah kya hain

tauba hai ru-siyah kya hain

allah hai afw karne wala

main kya hun mere gunah kya hain

ai dost tere gada ke aage

kuchh bhi nahin baadshah kya hain

tum sa koi bad-chalan na hoga

hai hai aashiq tabah kya hain

gori gori hai un ki surat

us par gesu-e-siyah kya hain

chakkar main hain shaiKH-o-gabr dono

apne liye KHud tabah kya hain

dekhe koi haal-e-ahl-e-duniya

ye log bhi wah wah kya hain

utren un se muqable ko

aflak pe mehr-o-mah kya hain

dhumen tegh-e-nigah ki hain

tewar ai kaj-kulah kya hain

shahid hain tere sitam ke lakhon

do-chaar us ke gawah kya hain

allah re un buton ki aankhen

kafir jadu nigah kya hain

kaT jaegi umr-e-chand-roza

fikren sham-o-pagah kya hain

un ka to jawab hi nahin hai

masha-allah wah kya hain

ai dil ulfat ke mahkame mein

qazi kya hai gawah kya hain

dil hai to ziyaada us se honge

ye nala-o-ashk-o-ah kya hain

pahlu mein nigar hath mein jam

is waqt to baadshah kya hain

un ki aamad jo ai 'saba' hai

sab matlab ru-ba-rah kya hain

(995) Peoples Rate This

Your Thoughts and Comments

Kis Munh Se Kahen Gunah Kya Hain In English By Famous Poet Wazir Ali Saba Lakhnavi. Kis Munh Se Kahen Gunah Kya Hain is written by Wazir Ali Saba Lakhnavi. Read famous Poem Kis Munh Se Kahen Gunah Kya Hain for youth and Student by Wazir Ali Saba Lakhnavi. Free Download Kis Munh Se Kahen Gunah Kya Hain in PDF.