روشن تمام کعبہ و بت خانہ ہو گیا

روشن تمام کعبہ و بت خانہ ہو گیا

گھر گھر جمال یار کا افسانہ ہو گیا

صورت پرست کب ہوئے معنی سے آشنا

عالم فریب طور کا افسانہ ہو گیا

چشم ہوس ہے شیفتۂ حسن ظاہری

دل آشنائے معنی بیگانہ ہو گیا

آساں نہیں ہے آگ میں دانستہ کودنا

دیوانہ شوق وصل میں پروانہ ہو گیا

کیفیت حیات تھی دم بھر کی میہماں

لبریز پیتے ہی مرا پیمانہ ہو گیا

اشکوں سے جام بھر گئے ساقی کی یاد میں

کچھ تو مآل مجلس رندانہ ہو گیا

دیر و حرم بھی ڈھ گئے جب دل نہیں رہا

سب دیکھتے ہی دیکھتے ویرانہ ہو گیا

کل کی ہے بات جوش پہ تھا عالم شباب

یادش بخیر آج اک افسانہ ہو گیا

آئینہ دیکھتا ہے گریباں کو پھاڑ کر

وحشی اب اپنا آپ ہی دیوانہ ہو گیا

کیا جانے آج خواب میں کیا دیکھا یاسؔ نے

کیوں چونکتے ہی آپ سے بیگانہ ہو گیا

(895) ووٹ وصول ہوئے

Your Thoughts and Comments

Raushan Tamam Kaba O But-KHana Ho Gaya In Urdu By Famous Poet Yagana Changezi. Raushan Tamam Kaba O But-KHana Ho Gaya is written by Yagana Changezi. Enjoy reading Raushan Tamam Kaba O But-KHana Ho Gaya Poem on Inspiration for Students, Youth, Girls and Boys by Yagana Changezi. Free Dowlonad Raushan Tamam Kaba O But-KHana Ho Gaya by Yagana Changezi in PDF.