Ek Be-panah Raat Ka Tanha Jawab Tha

ek be-panah raat ka tanha jawab tha

chhoTa sa ek diya jo sar-e-ehtisab tha

rasta mera tazad ki taswir ho gaya

dariya bhi bah raha tha jahan par sarab tha

wo waqt bhi ajib tha hairan kar gaya

wazeh tha zindagi ki tarah aur KHwab tha

pahle paDaw se hi use lauTna paDa

lambi masafaton se jise ijtinab tha

phir be-numu zamin thi aur KHushk the shajar

be-abr aasman ka chalan kaamyab tha

ek be-qayas baat se mansub ho gaya

phaila hua huruf mein jo iztirab tha

apni nigah par bhi karun e'tibar kya

kis man par kahun wo mera intiKHab tha

(532) Peoples Rate This

Your Thoughts and Comments

Ek Be-panah Raat Ka Tanha Jawab Tha In English By Famous Poet Yasmeen Hameed. Ek Be-panah Raat Ka Tanha Jawab Tha is written by Yasmeen Hameed. Read famous Poem Ek Be-panah Raat Ka Tanha Jawab Tha for youth and Student by Yasmeen Hameed. Free Download Ek Be-panah Raat Ka Tanha Jawab Tha in PDF.