Hamein KHabar Thi Bachane Ka UsMein Yara Nahin

hamein KHabar thi bachane ka us mein yara nahin

so hum bhi Dub gae aur use pukara nahin

KHud aaftab meri rah ka charagh bane

magar ye baat mere chand ko gawara nahin

jo us mein utri to tufan hi milenge mujhe

main jaanti hun ki wo mauj hai kinara nahin

ajab faza hai ki rang-e-numud-e-subh bhi hai

siyah raat ne bhi pairahan utara nahin

wajud jis ko kisi mo'tabar shajar ne diya

hawa ki zad mein bhi tinka wo be-sahaara nahin

jalega KHud bhi sahar tak mujhe bhi lau dega

charagh-e-sham koi baKHt ka sitara nahin

(1158) Peoples Rate This

Your Thoughts and Comments

Hamein KHabar Thi Bachane Ka UsMein Yara Nahin In English By Famous Poet Yasmeen Hameed. Hamein KHabar Thi Bachane Ka UsMein Yara Nahin is written by Yasmeen Hameed. Read famous Poem Hamein KHabar Thi Bachane Ka UsMein Yara Nahin for youth and Student by Yasmeen Hameed. Free Download Hamein KHabar Thi Bachane Ka UsMein Yara Nahin in PDF.