Ufuq Tak Mera Sahra Khil Raha Hai

ufuq tak mera sahra khil raha hai

kahin dariya se dariya mil raha hai

libas-e-abr ne bhi rang badla

zamin ka pairahan bhi sil raha hai

isi taKHliq ki aasudgi mein

bahut bechain mera dil raha hai

kisi ke narm lahje ka qarina

meri aawaz mein shamil raha hai

main ab us harf se katra rahi hun

jo meri baat ka hasil raha hai

kisi ke dil ki na-hamwariyon par

sambhalna kis qadar mushkil raha hai

(912) Peoples Rate This

Your Thoughts and Comments

Ufuq Tak Mera Sahra Khil Raha Hai In English By Famous Poet Yasmeen Hameed. Ufuq Tak Mera Sahra Khil Raha Hai is written by Yasmeen Hameed. Read famous Poem Ufuq Tak Mera Sahra Khil Raha Hai for youth and Student by Yasmeen Hameed. Free Download Ufuq Tak Mera Sahra Khil Raha Hai in PDF.