Dard-o-gham Ranj-o-alam Aah-o-fughan

dard-o-gham ranj-o-alam aah-o-fughan

sarguzasht-e-ishq ki hain surKHiyan

dil hai mera mail-e-fariyaad aaj

dekh kar un ke taghaful ka saman

ek zara ruk jaiye sun lijiye

is dil-e-ranjur ki bhi dastan

aap ne to ek nazar dekha faqat

jal gaya tab-o-tawan ka aashiyan

ai dil-e-gham-ghin na ro is daur mein

kaun sunta hai kisi ki dastan

aatish-e-ulfat to kab ki jal bujhi

raat din sine se uThta hai dhuan

nazm-e-mai-KHana badal kar rakh den hum

aao ai zinda-dilan 'tishna'-laban

(464) Peoples Rate This

Your Thoughts and Comments

Dard-o-gham Ranj-o-alam Aah-o-fughan In English By Famous Poet Yogendra Bahal Tishna. Dard-o-gham Ranj-o-alam Aah-o-fughan is written by Yogendra Bahal Tishna. Read famous Poem Dard-o-gham Ranj-o-alam Aah-o-fughan for youth and Student by Yogendra Bahal Tishna. Free Download Dard-o-gham Ranj-o-alam Aah-o-fughan in PDF.