Kyun Main Hail Ho Jata Hun Apni Hi Tanhai Mein

kyun main hail ho jata hun apni hi tanhai mein

warna ek pur-lutf saman hai KHud apni gahrai mein

fitrat ne ata ki hai be-shak mujh ko bhi kuchh aqal-e-salim

kaun KHalal-andaz hua hai meri har danai mein

jhuT ki namkini se baaton mein aa jata hai maza

koi nahin leta dilchaspi phiki si sachchai mein

apne the begane the aur aaKHir mein KHud meri zat

kis kis ka ikram hua hai kitna meri ruswai mein

badle badle lagte ho hai chehre par anjaana-pan

ya waqt ke hathon farq aaya meri hi binai mein

sunne walon ke chehron par surKH lakiron ke hain nishan

KHuni sochon ki aamezish hai naghmon ki shahnai mein

sab qadren pamal huin insan ne KHud ko masKH kiya

qudrat ne kitni mehnat ki thi apni bazm-arai mein

apni aagahi ki un ko hoti nahin taufiq kabhi

log KHuda ko DhunD rahe hain aafaqi pahnai mein

duniya ki danish-gahon mein aaj ajab ek bahas chhiDi

kaun bharose ke qabil hai aaqil aur saudai mein

jaane kis kirdar ki kai mere ghar mein aa pahunchi

ab to 'zafar' chalna hai mushkil aangan ki chiknai mein

(633) Peoples Rate This

Your Thoughts and Comments

Kyun Main Hail Ho Jata Hun Apni Hi Tanhai Mein In English By Famous Poet Zafar Hameedi. Kyun Main Hail Ho Jata Hun Apni Hi Tanhai Mein is written by Zafar Hameedi. Read famous Poem Kyun Main Hail Ho Jata Hun Apni Hi Tanhai Mein for youth and Student by Zafar Hameedi. Free Download Kyun Main Hail Ho Jata Hun Apni Hi Tanhai Mein in PDF.