Jo Zehn O Dil Mein IkaTTha Tha Aas Ka Pani

jo zehn o dil mein ikaTTha tha aas ka pani

use bhi le gaya sath apne yas ka pani

main le ke aaya tha ham-rah jin ko dariya tak

wo log pi gae meri bhi pyas ka pani

kab apne shahr mein sailab aane wala tha

hamein Dubo ke gaya aas-pas ka pani

hazaron aib chhupane ko lag ke duniya mein

badan pe rakhte hain zarrin libas ka pani

ajib waqt hai zahid ko bhi 'zahir' ab to

sharab lagta hai mere gilas ka pani