عشق اور عشق شعلہ ور کی آگ

عشق اور عشق شعلہ ور کی آگ

آگ اور الفت بشر کی آگ

جس کو کہتے ہیں برق عالم سوز

ہے وہ کافر تری نظر کی آگ

ہائے رے تیری گرمئ رفتار

خاک تک بھی ہے رہ گزر کی آگ

لو شب وصل بھی تمام ہوئی

آسماں کو لگی سحر کی آگ

عشق کیا شے ہے حسن ہے کیا چیز

کچھ ادھر کی ہے کچھ ادھر کی آگ

طور سینا بنا دیا دل کو

اف رے کافر تری نظر کی آگ

حق تعالی بچائے اس سے ظہیرؔ

قہر ہے الفت بشر کی آگ

(1058) ووٹ وصول ہوئے

Your Thoughts and Comments

Ishq Aur Ishq-e-shoala-war Ki Aag In Urdu By Famous Poet Zaheer Dehlvi. Ishq Aur Ishq-e-shoala-war Ki Aag is written by Zaheer Dehlvi. Enjoy reading Ishq Aur Ishq-e-shoala-war Ki Aag Poem on Inspiration for Students, Youth, Girls and Boys by Zaheer Dehlvi. Free Dowlonad Ishq Aur Ishq-e-shoala-war Ki Aag by Zaheer Dehlvi in PDF.