Dard In Dinon Yun Chehra-e-alam Pe Saja Hai

dard in dinon yun chehra-e-alam pe saja hai

har shaKHs ne jaise mera gham banT liya hai

har aan tere tan mein wo jadu sa racha hai

jo wasl ka lamha hai wo sahra ki ghaTa hai

ek umr ke baad aaj yakayak jo mile ho

wo sail-e-masarrat hai ki dil Dub gaya hai

wo baat jo sun pao to pahron tumhein taDpae

ek lamhe ki tanhai ne jo mujh se kaha hai

ho dost ki dil koi chhupae nahin chhupta

har choT ke pahlu mein ek aaina laga hai

jangal the junun-KHez hue shahr bhi viran

sannaTe mein har qarya-e-dil jag gaya hai

kya kis se gila kijiye KHud hum nahin apne

duniya ka 'zahir' in dinon kya haal hua hai

(590) Peoples Rate This

Your Thoughts and Comments

Dard In Dinon Yun Chehra-e-alam Pe Saja Hai In English By Famous Poet Zaheer Fatehpuri. Dard In Dinon Yun Chehra-e-alam Pe Saja Hai is written by Zaheer Fatehpuri. Read famous Poem Dard In Dinon Yun Chehra-e-alam Pe Saja Hai for youth and Student by Zaheer Fatehpuri. Free Download Dard In Dinon Yun Chehra-e-alam Pe Saja Hai in PDF.