جہان تنگ میں تنہا ہوا میں

جہان تنگ میں تنہا ہوا میں

بہت اچھا ہوا رسوا ہوا میں

مری آنکھوں کا پہچانا ہوا تو

نگاہ دہر کا دیکھا ہوا میں

ابھر آئی ہوا کی موج سر میں

حریف‌ موجۂ دریا ہوا میں

جبین آب کی تحریر دنیا

حروف سنگ سے لکھا ہوا میں

فنا کے ہاتھ میں میری بقا ہے

خود اپنی خاک سے پیدا ہوا میں

ہوئی وابستہ مجھ سے ترش‌ روئی

کہ نشہ ہوں مگر اترا ہوا میں

چھپا ہوں آج تک اس کی نظر سے

زمانے بھر پہ آئینہ ہوا میں

(819) ووٹ وصول ہوئے

Your Thoughts and Comments

Jahan-e-tang Mein Tanha Hua Main In Urdu By Famous Poet Zahid Farani. Jahan-e-tang Mein Tanha Hua Main is written by Zahid Farani. Enjoy reading Jahan-e-tang Mein Tanha Hua Main Poem on Inspiration for Students, Youth, Girls and Boys by Zahid Farani. Free Dowlonad Jahan-e-tang Mein Tanha Hua Main by Zahid Farani in PDF.