Aajizi Ko Chalan Kiye Hue Hain

aajizi ko chalan kiye hue hain

KHak apna badan kiye hue hun

hijr ek mustaqil libas mera

jis ko main zeb-e-tan kiye hue hun

chand aansu mera asasa hain

jin ko main waqf-e-fan kiye hue hun

aable ug rahe hain panw mein

dasht-e-sarw-e-suman kiye hue hun

ghar mein rah kar bhi ghar nahin rahta

KHud ko yun be-watan kiye hue hun

maut se pahle mar gaya hun main

zindagi ko kafan kiye hue hun

us ka lahja karaKHt ho gaya hai

aur main husn-e-zan kiye hue hun

ek teri yaad hai jise 'zahid'

apne dil ki chubhan kiye hue hun

(817) Peoples Rate This

Your Thoughts and Comments

Aajizi Ko Chalan Kiye Hue Hain In English By Famous Poet Zahid Shamsi. Aajizi Ko Chalan Kiye Hue Hain is written by Zahid Shamsi. Read famous Poem Aajizi Ko Chalan Kiye Hue Hain for youth and Student by Zahid Shamsi. Free Download Aajizi Ko Chalan Kiye Hue Hain in PDF.