Mere Dil Ko Mohabbat KHub Garmae To Achchha Ho

mere dil ko mohabbat KHub garmae to achchha ho

KHalish baDh kar ilaj-e-dard ban jae to achchha ho

mere ashk-e-mohabbat se dilon ke mail dhul jaen

mera gham zindagi ke kaam aa jae to achchha ho

har ek mazlum ko meri himayat ka sahaara ho

mera zauq-e-amal us rah par aae to achchha ho

mere soz-e-darun se jagmagae hasti-e-alam

mera nur-e-basirat aam ho jae to achchha ho

andheri shab hai sham-e-dil farozan kijiye yaro

sitaron ki chamak kuchh aur baDh jae to achchha ho

zaban par baat bhule se na aae shikwa-e-dil ki

taghaful par kabhi un ke na harf aae to achchha ho

haqiqat KHud ko manwa le zaban-e-be-zabani se

KHud un ka dil nigahon se jo sharmae to achchha ho

meri bechainiyon ko chain kuchh to aa hi jaega

tabib-e-ishq mujh ko dekhne aae to achchha ho

unhen ranginiyon se ek shaghaf ai 'taj' rahta hai

meri bechainiyon mein rang bhar jae to achchha ho

(571) Peoples Rate This

Your Thoughts and Comments

Mere Dil Ko Mohabbat KHub Garmae To Achchha Ho In English By Famous Poet Zahiir Ahmad Taaj. Mere Dil Ko Mohabbat KHub Garmae To Achchha Ho is written by Zahiir Ahmad Taaj. Read famous Poem Mere Dil Ko Mohabbat KHub Garmae To Achchha Ho for youth and Student by Zahiir Ahmad Taaj. Free Download Mere Dil Ko Mohabbat KHub Garmae To Achchha Ho in PDF.