Wahshat Mein Yaad Aae Hai Zanjir Dekh Kar
wahshat mein yaad aae hai zanjir dekh kar
hum bhagte the zulf-e-girah-gir dekh kar
jab tak na KHak ho jiye hasil nahin kamal
ye baat khul gai hamein iksir dekh kar
uzr-e-gunah dawar-e-mahshar se kyun karun
gham miT gaya hai nama-e-taqdir dekh kar
hun tishna-kaam-e-dasht-e-shahadat zi-bas ki main
girta hun aab-e-KHanjar-o-shamshir dekh kar
'arif' chhupa to hum se wale hum to pa gae
jo baat hai ye rang ki taghir dekh kar
Zain-ul-Abideen Khan Arif 
(957) Peoples Rate This