Ehsas Ka Qissa Hai Sunana To PaDega

ehsas ka qissa hai sunana to paDega

har zaKHm ko ab phul banana to paDega

mumkin hai mere sher mein har raaz ho lekin

ek raaz pas-e-sher chhupana to paDega

aankhon ke jaziron pe hain nilam ki qataren

KHwabon ka janaza hai uThana to paDega

chehre pe kai chehre liye phirti hai duniya

ab aaina duniya ko dikhana to paDega

zehnon pe musallat hain siyah soch ke baadal

zulmat mein diya dil ka jalana to paDega

wo dushman-e-jaan jaan se pyara bhi hamein hai

ruThe wo agar us ko manana to paDega

rishton ka yahi wasf hai 'zakir' ki nazar mein

kamzor sahi rishta nibhana to paDega

(701) Peoples Rate This

Your Thoughts and Comments

Ehsas Ka Qissa Hai Sunana To PaDega In English By Famous Poet Zakir Khan Zakir. Ehsas Ka Qissa Hai Sunana To PaDega is written by Zakir Khan Zakir. Read famous Poem Ehsas Ka Qissa Hai Sunana To PaDega for youth and Student by Zakir Khan Zakir. Free Download Ehsas Ka Qissa Hai Sunana To PaDega in PDF.