Umr Guzri Hai Kaamrani Se

umr guzri hai kaamrani se

koi shikwa nahin jawani se

misl-e-adam hai be-ghari apni

kaun Darta hai be-makani se

yun musalsal azab jhela hai

ashk lagne lage hain pani se

hum hi kirdar the kahani ke

hum hi bahar hue kahani se

sach chhupana muhaal hai sahab

jhuT se ya ki lan-tarani se

kya wo pariyan qamar-asir huin

sunte aae the hum jo nani se

zulmaton mein bhi hans ke khul jaana

us ne sikha hai raat-rani se

banjh aankhen huin magar 'zakir'

KHwab aate rahe rawani se

(613) Peoples Rate This

Your Thoughts and Comments

Umr Guzri Hai Kaamrani Se In English By Famous Poet Zakir Khan Zakir. Umr Guzri Hai Kaamrani Se is written by Zakir Khan Zakir. Read famous Poem Umr Guzri Hai Kaamrani Se for youth and Student by Zakir Khan Zakir. Free Download Umr Guzri Hai Kaamrani Se in PDF.