Usne Nigah-e-lutf-e-karam Bar Bar Ki

us ne nigah-e-lutf-e-karam bar bar ki

ab KHairiyat nahin hai dil-e-be-qarar ki

Dar ye hai khul na jae kahin raaz-e-ishq bhi

nibhne lagi hai un se mere raazdar ki

sab ke nasib mein hai kahan mauj-e-dard-o-gham

maKHsus hain inayaten parwardigar ki

yaadon ki anjuman mein unhen bhi bula liya

ek sham yun bhi hum ne bahut yaadgar ki

jab hum hi fasl-e-gul mein chaman se nikal gae

phir kyun suna rahe ho kahani bahaar ki

'zakir' hum apna dil bhi wahin chhoD aae hain

kis darja pur-kashish thi faza us dayar ki

(636) Peoples Rate This

Your Thoughts and Comments

Usne Nigah-e-lutf-e-karam Bar Bar Ki In English By Famous Poet Zakir Khan Zakir. Usne Nigah-e-lutf-e-karam Bar Bar Ki is written by Zakir Khan Zakir. Read famous Poem Usne Nigah-e-lutf-e-karam Bar Bar Ki for youth and Student by Zakir Khan Zakir. Free Download Usne Nigah-e-lutf-e-karam Bar Bar Ki in PDF.