Main Ratjagon Ke Mukammal Azab Dekhunga

main ratjagon ke mukammal azab dekhunga

kisi ne jo nahin dekhe wo KHwab dekhunga

wo waqt aaega meri hayat mein jab main

mohabbaton ke chaman mein gulab dekhunga

ghira hua hun andheron mein gham nahin mujh ko

shab-e-siyah ke baad aaftab dekhunga

chalenge tez bahut teri yaad ke jhonke

main apni aankh mein jab sail-e-ab dekhunga

main nuqta nuqta utar kar teri nigahon mein

waraq waraq tere dil ki kitab dekhunga

udasiyon ke siwa kuchh nahin milega mujhe

'zaman' jab bhi mohabbat ka bab dekhunga

(636) Peoples Rate This

Your Thoughts and Comments

Main Ratjagon Ke Mukammal Azab Dekhunga In English By Famous Poet Zaman Kanjahi. Main Ratjagon Ke Mukammal Azab Dekhunga is written by Zaman Kanjahi. Read famous Poem Main Ratjagon Ke Mukammal Azab Dekhunga for youth and Student by Zaman Kanjahi. Free Download Main Ratjagon Ke Mukammal Azab Dekhunga in PDF.