Pur-haul Jangalon Ki Sada Mere Sath Hai
pur-haul jangalon ki sada mere sath hai
main jis taraf bhi jaun hawa mere sath hai
duniya mein aaj mujh ko balaon ka Dar nahin
har lamha meri man ki dua mere sath hai
dushwar raston mein hifazat karega wo
main mutmain hun mera KHuda mere sath hai
barsegi aaj dil ki zamin par ye TuT kar
goya 'zaman' gham ki ghaTa mere sath hai
Zaman Kanjahi 
(874) Peoples Rate This