ہے بہت طاق وہ بیداد میں ڈر ہے یہ بھی

ہے بہت طاق وہ بیداد میں ڈر ہے یہ بھی

جاں سلامت نہ بچا لاؤں خطر ہے یہ بھی

دل کی لو پھر اسی ٹھہراؤ پہ آ جائے گی

اک ذرا دیر ہواؤں کا اثر ہے یہ بھی

جوئے پایاب محبت میں جواہر مت ڈھونڈھ

کسی پتھر کو سمجھ لے کہ گہر ہے یہ بھی

جستجو گوہر معنی کی زیاں وقت کا ہے

کیا پرکھتا ہے انہیں صرف نظر ہے یہ بھی

منزلیں ختم ہوئیں ترک و تعلق کی تمام

اب کسی سمت نکل جا کہ سفر ہے یہ بھی

اب سلامت کہاں رہ پائے گا یہ نقش وفا

کچھ لہو دل کا بچا لے کہ ہنر ہے یہ بھی

دشت و در میں وہی سرخی وہی پیڑوں پہ چمک

زرد پھولوں کو نہ دیکھو تو سحر ہے یہ بھی

آگے چل کے تو کڑے کوس ہیں تنہائی کے

اور کچھ دور تلک لطف سفر ہے یہ بھی

کیا ہے میں جس کے تجسس میں پریشان بھی ہوں

زیبؔ کچھ ہاتھ نہ آئے گا خبر ہے یہ بھی

(1174) ووٹ وصول ہوئے

Your Thoughts and Comments

Hai Bahut Taq Wo Bedad Mein Dar Hai Ye Bhi In Urdu By Famous Poet Zeb Ghauri. Hai Bahut Taq Wo Bedad Mein Dar Hai Ye Bhi is written by Zeb Ghauri. Enjoy reading Hai Bahut Taq Wo Bedad Mein Dar Hai Ye Bhi Poem on Inspiration for Students, Youth, Girls and Boys by Zeb Ghauri. Free Dowlonad Hai Bahut Taq Wo Bedad Mein Dar Hai Ye Bhi by Zeb Ghauri in PDF.