رنگ غزل میں دل کا لہو بھی شامل ہو

رنگ غزل میں دل کا لہو بھی شامل ہو

خنجر جیسا بھی ہو لیکن قاتل ہو

اس تصویر کا آب و رنگ نہیں بدلا

جانے کب یہ دل کا نقش بھی باطل ہو

شور فغاں پر اتنی بے چینی کیسی

تم سے کیا تم کون کسی کے قاتل ہو

دیکھ کبھی آ کر یہ لا محدود فضا

تو بھی میری تنہائی میں شامل ہو

میں کہ ہوں ایک تھکا ہارا اور ماندہ شخص

میری انا کہتی ہے میرے مقابل ہو

زیبؔ سوال اب یہ ہے تجھے پہچانے کون

کس کی نظر اس گہرائی کی حامل ہو

(958) ووٹ وصول ہوئے

Your Thoughts and Comments

Rang-e-ghazal Mein Dil Ka Lahu Bhi Shamil Ho In Urdu By Famous Poet Zeb Ghauri. Rang-e-ghazal Mein Dil Ka Lahu Bhi Shamil Ho is written by Zeb Ghauri. Enjoy reading Rang-e-ghazal Mein Dil Ka Lahu Bhi Shamil Ho Poem on Inspiration for Students, Youth, Girls and Boys by Zeb Ghauri. Free Dowlonad Rang-e-ghazal Mein Dil Ka Lahu Bhi Shamil Ho by Zeb Ghauri in PDF.