طالبان

عورتیں گھر میں رہیں گی

لڑکیاں چھپ جائیں گی

پھول شاخوں پر کھلیں گے

اور وہیں مرجھائیں گے

چاند سورج اور ستارے دھند میں کھو جائیں گے

دور تک اڑتے پرندے

گیت گانا بھول کر

اپنے اپنے آشیاں میں

خوف سے مر جائیں گے

خواب جیسی زندگی کے

خواب دیکھیں گے مگر

صبح جب پھیلے گی گھر میں

ریڈیو کھولیں گے لوگ

اور کھڑکی سے اچانک

طالبان آ جائیں گے

(1068) ووٹ وصول ہوئے

Your Thoughts and Comments

Taliban In Urdu By Famous Poet Zeeshan Sahil. Taliban is written by Zeeshan Sahil. Enjoy reading Taliban Poem on Inspiration for Students, Youth, Girls and Boys by Zeeshan Sahil. Free Dowlonad Taliban by Zeeshan Sahil in PDF.