عدل کا فقدان

قاتل و مقتول برابر

ظالم و مظلوم برابر

قلم بھی بندوق برابر

معتوب و محبوب برابر

اپنی گویا ساتھی کی

ہر اک خاتون برابر

نئی دانشوری جو پڑھی

موسیٰ و قارون برابر

ظلم تو سب پر سانجھا تھا

بنی اسرائیل و فرعون برابر

ماں چاہے روتی رہے

شہید بچے اور ملعون برابر

بلوچ جو گھر سے غائب ہیں

سب پر مگر قانون برابر

ظلم کی اندھی فکر میں

یزید و حسین برابر

نئی نئی پڑھی صحافت

مشعل و ہجوم برابر

اندھیرا بھی اجالے سا ہے

ظلمت و نور برابر

بصیرت پر پردہ پڑا

سچ اور ہر اک جھوٹ برابر

الٹی گنگا بہتی ہے

مداری و افلاطون برابر

جب تک اپنا نہ بہے

آب و خون برابر

اک ان کا بھی مار گراؤ

پھر کہنا مارنے والا اور مرحوم برابر