میں بچ گئی ماں

میں بچ گئی ماں

میں بچ گئی ماں

ترے کچے لہو کی مہندی

مرے پور پور میں رچ گئی ماں

میں بچ گئی ماں

گر میرے نقش ابھر آتے

وہ پھر بھی لہو سے بھر جاتے

مری آنکھیں روشن ہو جاتی تو

تیزاب کا سرمہ لگ جاتا

سٹے وٹے میں بٹ جاتی

بے کاری میں کام آ جاتی

ہر خواب ادھورا رہ جاتا

مرا قد جو تھوڑا سا بڑھتا

مرے باپ کا قد چھوٹا پڑتا

مری چنری سر سے ڈھلک جاتی

مرے بھائی کی پگڑی گر جاتی

تری لوری سننے سے پہلے

اپنی نیند میں سو گئی ماں

انجان نگر سے آئی تھی

انجان نگر میں کھو گئی ماں

میں بچ گئی ماں

میں بچ گئی ماں

(2315) ووٹ وصول ہوئے

Your Thoughts and Comments

Main Bach Gai Man In Urdu By Famous Poet Zehra Nigaah. Main Bach Gai Man is written by Zehra Nigaah. Enjoy reading Main Bach Gai Man Poem on Inspiration for Students, Youth, Girls and Boys by Zehra Nigaah. Free Dowlonad Main Bach Gai Man by Zehra Nigaah in PDF.