Apne Hone Ka Har Ek Lamha Pata Deti Hui

apne hone ka har ek lamha pata deti hui

yaad hain mujh ko wo do aankhen sada deti hui

umr-bhar ki hasraten lade thaki-mandi hayat

ja rahi hai jaane kis kis ko dua deti hui

dil ka har ek hukm sar-ankhon pe lekin kya karen

ye jo hai ek aql apna faisla deti hui

dekhte hi dekhte uDne lagi basti mein KHak

ek KHabar aai thi shoalon ko hawa deti hui

umr-bhar ki justuju ka hai yahi hasil 'ziya'

ek diwar-e-tahayyur aasra deti hui

(559) Peoples Rate This

Your Thoughts and Comments

Apne Hone Ka Har Ek Lamha Pata Deti Hui In English By Famous Poet Zia Faruqi. Apne Hone Ka Har Ek Lamha Pata Deti Hui is written by Zia Faruqi. Read famous Poem Apne Hone Ka Har Ek Lamha Pata Deti Hui for youth and Student by Zia Faruqi. Free Download Apne Hone Ka Har Ek Lamha Pata Deti Hui in PDF.