Go Aaj Andhera Hai Kal Hoga Charaghan Bhi

go aaj andhera hai kal hoga charaghan bhi

taKHrib mein shamil hai tamir ka saman bhi

mazhar tere jalwon ke maman meri wahshat ke

kohsar-o-gulistan bhi sahra-o-bayaban bhi

dam toDti maujen kya sahil ka pata dengi

Thahri hui kashti hai KHamosh hai tufan bhi

majbur-e-gham-e-duniya dil se to koi puchhe

ehsas ki rag mein hai KHar-e-gham-e-jaanan bhi

bughz-o-hasad-o-nafrat nakaami-o-mahrumi

insanon ki basti mein kya hai koi insan bhi

diwana-e-ulfat ko dar se tere milta hai

har zaKHm ka marham bhi har dard ka darman bhi

leti hai jab angDai bedar kiran koi

hota hai 'ziya' KHud hi raqsan bhi ghazal-KHwan bhi

(745) Peoples Rate This

Your Thoughts and Comments

Go Aaj Andhera Hai Kal Hoga Charaghan Bhi In English By Famous Poet Zia Fatehabadi. Go Aaj Andhera Hai Kal Hoga Charaghan Bhi is written by Zia Fatehabadi. Read famous Poem Go Aaj Andhera Hai Kal Hoga Charaghan Bhi for youth and Student by Zia Fatehabadi. Free Download Go Aaj Andhera Hai Kal Hoga Charaghan Bhi in PDF.