آنکھ سے آنسو ڈھلکا ہوتا

آنکھ سے آنسو ڈھلکا ہوتا

تو پھر سورج ابھرا ہوتا

کہتے کہتے غم کا فسانہ

کٹتی رات سویرا ہوتا

کشتی کیوں ساحل پر ڈوبی

موجیں ہوتیں دریا ہوتا

جو گرجا پیاسی دھرتی پر

کاش وہ بادل برسا ہوتا

پھولوں میں چھپنے والوں کو

کانٹوں میں تو ڈھونڈا ہوتا

تجھ کو پانا سہل نہیں ہے

سہل جو ہوتا تو کیا ہوتا

اپنے سو بیگانے ہوتے

ایک یگانہ اپنا ہوتا

پوچھ ضیاؔ یہ اہل دل سے

پیار نا ہوتا تو کیا ہوتا

(1020) ووٹ وصول ہوئے

Your Thoughts and Comments

Aankh Se Aansu Dhalka Hota In Urdu By Famous Poet Zia Fatehabadi. Aankh Se Aansu Dhalka Hota is written by Zia Fatehabadi. Enjoy reading Aankh Se Aansu Dhalka Hota Poem on Inspiration for Students, Youth, Girls and Boys by Zia Fatehabadi. Free Dowlonad Aankh Se Aansu Dhalka Hota by Zia Fatehabadi in PDF.