Mere Girya Se Na Aazar UThane Se Hua

mere girya se na aazar uThane se hua

fasla tai nai diwar uThane se hua

warna ye qissa bhala KHatm kahan hona tha

dastan se mera kirdar uThane se hua

mahmil-e-naz ki taKHir ka ye sara fasad

rah-e-uftad ko bekar uThane se hua

shaq guzra hai jo ahbab ko wo sadma bhi

bazm mein misra-e-tahdar uThane se hua

yun to mushaf bhi uThae gae qasmen bhi magar

aaKHiri faisla talwar uThane se hua

gham nahin taKHt ko aur baKHt ko kho dene ka

kab mera hona bhi dastar uThane se hua

jagna tha mera hangama-e-hasti ka sabab

hashr barpa bhi digar-bar uThane se hua

gosha-e-bagh hua KHuld guzarne se tere

aaina aks-e-ruKH-e-yar uThane se hua

(537) Peoples Rate This

Your Thoughts and Comments

Mere Girya Se Na Aazar UThane Se Hua In English By Famous Poet Zia-ul-Mustafa Turk. Mere Girya Se Na Aazar UThane Se Hua is written by Zia-ul-Mustafa Turk. Read famous Poem Mere Girya Se Na Aazar UThane Se Hua for youth and Student by Zia-ul-Mustafa Turk. Free Download Mere Girya Se Na Aazar UThane Se Hua in PDF.