Dard Ki Dhup Dhale Gham Ke Zamane Jaen

dard ki dhup Dhale gham ke zamane jaen

dekhiye ruh se kab dagh purane jaen

hum ko bas teri hi chaukhaT pe paDe rahna hai

tujh se bichhDen na kisi aur Thikane jaen

apni diwar-e-ana aap hi kar ke mismar

apne ruThon ko chalo aaj manane jaen

jaane kya raaz chhupa hai teri salari mein

tu jahan jae tere pichhe zamane jaen

rahen gumnam to bas tujh se hi mansub rahen

jaane jaen to tere nam se jaane jaen

dekh paenge un aankhon mein udasi kaise

apne dukhDe na 'ziya' un ko sunane jaen

(730) Peoples Rate This

Your Thoughts and Comments

Dard Ki Dhup Dhale Gham Ke Zamane Jaen In English By Famous Poet Zia Zameer. Dard Ki Dhup Dhale Gham Ke Zamane Jaen is written by Zia Zameer. Read famous Poem Dard Ki Dhup Dhale Gham Ke Zamane Jaen for youth and Student by Zia Zameer. Free Download Dard Ki Dhup Dhale Gham Ke Zamane Jaen in PDF.