Usko Jate Hue Dekha Tha Pukara Tha Kahan

us ko jate hue dekha tha pukara tha kahan

rokte kis tarah wo shaKHs hamara tha kahan

thi kahan rabt mein us ke bhi kami koi magar

main use pyara tha par jaan se pyara tha kahan

be-sabab hi nahin murjhae the jazbon ke gulab

tu ne chhu kar gham-e-hasti ko nikhaara tha kahan

bich manjhdar mein the is liye hum par lage

Dubne ke liye koi bhi kinara tha kahan

aaKHir-e-shab meri palkon pe sitare the kai

lekin aane ka tere koi ishaara tha kahan

ye tamanna thi ki hum us pe luTa den hasti

ai 'ziya' us ko magar itna gawara tha kahan

(806) Peoples Rate This

Your Thoughts and Comments

Usko Jate Hue Dekha Tha Pukara Tha Kahan In English By Famous Poet Zia Zameer. Usko Jate Hue Dekha Tha Pukara Tha Kahan is written by Zia Zameer. Read famous Poem Usko Jate Hue Dekha Tha Pukara Tha Kahan for youth and Student by Zia Zameer. Free Download Usko Jate Hue Dekha Tha Pukara Tha Kahan in PDF.