Jhulasti Dhup Mein Mujhko Jala Ke Marega
jhulasti dhup mein mujh ko jala ke marega
wo mera apna hai chhanw mein la ke marega
wo chahta to meri KHak hi uDa deta
ye kuza-gar ki inayat bana ke marega
use KHabar hai laDai mein haar sakta hai
so apna aap wo mujh mein sama ke marega
is ek KHauf se main jang mein shahid hua
adu kamina hai tane KHuda ke marega
main us ke jal mein aaunga dekhna 'qaisar'
wo mujh ko dhoke se ghar mein bula ke marega
Zubair Qaisar 
(1386) Peoples Rate This