UTha Kar Barq-o-baran Se Nazar Manjdhaar Par Rakhna

uTha kar barq-o-baran se nazar manjdhaar par rakhna

hamesha ke liye ye hath ab patwar par rakhna

visali mausamon ki bazyabi chahne walo

bajae shaKH-e-gul dast-e-talab ruKHsar par rakhna

sar-e-taKHliq tan kab iKHtirai dhun nikal aae

zara ye honT tum barbat ke TuTe tar par rakhna

wabaal-e-dosh tha ye tum kisi kone pe likh dena

numaish ke liye jab sar sutun-e-dar par rakhna

baqa-e-nau-e-insani ki KHatir chahta hun main

ab apne aap ko barud ke ambar par rakhna

wo kirnon se bhari do-pahriyan ab yaad aati hain

fatada barg uThana saya ek ashjar par rakhna

'zubair' aqwam-e-alam mein bhi ho tashhir wahshat ki

garebanon ke ye TukDe KHat-e-asar par rakhna

(1051) Peoples Rate This

Your Thoughts and Comments

UTha Kar Barq-o-baran Se Nazar Manjdhaar Par Rakhna In English By Famous Poet Zubair Shifai. UTha Kar Barq-o-baran Se Nazar Manjdhaar Par Rakhna is written by Zubair Shifai. Read famous Poem UTha Kar Barq-o-baran Se Nazar Manjdhaar Par Rakhna for youth and Student by Zubair Shifai. Free Download UTha Kar Barq-o-baran Se Nazar Manjdhaar Par Rakhna in PDF.