Meri Zat Ka Hayula Teri Zat Ki Ikai

meri zat ka hayula teri zat ki ikai

koi ham-safar hai mera ki hai teri KHud-numai

main hun pur-sukun azal se main hun pur-sukun abad tak

magar aankh kah rahi hai nahin tujh se aashnai

main to luT chuka zamane! mere pas kya raha hai

mere honT sil chuke hain main bhala dun kya duhai

ye farar ka hai lamha ki qarar ki hai surat

teri chand si jabin par nahin dagh-e-bewafai

yahi umr bhar ka dukh hai yahi zindagi ka sukh hai

na koi fareb-e-hasti na shuur-e-dil-rubai

main to kal bhi tha safar mein main hun aaj bhi safar mein

wahi daur meri manzil wahi meri jag-hansai

main 'zuhair' sochta hun kabhi zaKHm nochta hun

jaane kab nasib jage mile fikr se rihai

(742) Peoples Rate This

Your Thoughts and Comments

Meri Zat Ka Hayula Teri Zat Ki Ikai In English By Famous Poet Zuhair Kanjahi. Meri Zat Ka Hayula Teri Zat Ki Ikai is written by Zuhair Kanjahi. Read famous Poem Meri Zat Ka Hayula Teri Zat Ki Ikai for youth and Student by Zuhair Kanjahi. Free Download Meri Zat Ka Hayula Teri Zat Ki Ikai in PDF.