Din Aise Yun To Aae Hi Kab The Jo Ras The

din aise yun to aae hi kab the jo ras the

lekin ye chand roz to behad udas the

un ko bhi aaj mujh se hain lakhon shikayaten

kal tak jo ahl-e-bazm sarapa sipas the

wo gul bhi zahr-KHand ki shabnam se aT gae

jo shaKHsar-e-dard-e-mohabbat ki aas the

meri barahnagi pe hanse hain wo log bhi

mashhur shahr bhar mein jo nang-e-libas the

ek lafz bhi na meri safai mein kah sake

wo sare mehrban jo mere aas-pas the

tera to sirf nam hi tha to hai kyun malul

bais mere junun ka to mere hawas the

wo rang bhi uDe jo nazar mein na the kabhi

wo KHwab bhi luTe jo qarin-e-qayas the

(717) Peoples Rate This

Your Thoughts and Comments

Din Aise Yun To Aae Hi Kab The Jo Ras The In English By Famous Poet Zuhoor Nazar. Din Aise Yun To Aae Hi Kab The Jo Ras The is written by Zuhoor Nazar. Read famous Poem Din Aise Yun To Aae Hi Kab The Jo Ras The for youth and Student by Zuhoor Nazar. Free Download Din Aise Yun To Aae Hi Kab The Jo Ras The in PDF.