Hayat Waqf-e-gham-e-rozgar Kyun Karte

hayat waqf-e-gham-e-rozgar kyun karte

main sochta hun ki wo mujh se pyar kyun karte

na meri rah mein tare na mere pas charagh

wo mere sath safar iKHtiyar kyun karte

nigah sirf bulawa nahin kuchh aur bhi hai

ye jaante to tera e'tibar kyun karte

gham-e-hayat mein hota agar na hath tera

to hum KHirad mein junun ko shumar kyun karte

koi to baat hai warna jafaon ke mare

tujhe bhula ke tera intizar kyun karte

'nazar' chaman mein agar waqai bahaar aati

to phul KHwahish-e-abr-e-bahaar kyun karte

(1333) Peoples Rate This

Your Thoughts and Comments

Hayat Waqf-e-gham-e-rozgar Kyun Karte In English By Famous Poet Zuhoor Nazar. Hayat Waqf-e-gham-e-rozgar Kyun Karte is written by Zuhoor Nazar. Read famous Poem Hayat Waqf-e-gham-e-rozgar Kyun Karte for youth and Student by Zuhoor Nazar. Free Download Hayat Waqf-e-gham-e-rozgar Kyun Karte in PDF.