KHud Ko Pane Ki Talab Mein Aarzu Uski Bhi Thi

KHud ko pane ki talab mein aarzu us ki bhi thi

main jo mil jata to us mein aabru us ki bhi thi

zindagi ek dusre ko DhunDne mein kaT gai

justuju meri bhi dushman thi adu us ki bhi thi

meri baaton mein bhi talKHi thi sam-e-tanhai ki

zahr-e-tanhai mein Dubi guftugu us ki bhi thi

wo gaya to karwaTen le le ke pahlu thak gae

kis tarah sota mere sanson mein bu us ki bhi thi

raat bhar aankhon mein us ka marmarin paikar raha

chandni ke jhilmilane mein numu us ki bhi thi

ghar se us ka bhi nikalna ho gaya aaKHir muhaal

meri ruswai se shohrat ku-ba-ku us ki bhi thi

main hua KHaif to us ke bhi uDe hosh-o-hawas

meri jo surat hui wo hu-ba-hu us ki bhi thi

kuchh mujhe bhi sidhe-sadhe raston se bair hai

kuchh bhaTak jaane ke bais justuju us ki bhi thi

wo jise sare zamane ne kaha mera raqib

main ne us ko ham-safar jaana ki tu us ki bhi thi

dasht-e-furqat ka safar bhi aaKHirash tai ho gaya

aur kuchh din sath deta aarzu us ki bhi thi

baat baDhne ko to baDh jati bahut lekin 'nazar'

main bhi kuchh kam-go tha chup rahne ki KHu us ki bhi thi

(741) Peoples Rate This

Your Thoughts and Comments

KHud Ko Pane Ki Talab Mein Aarzu Uski Bhi Thi In English By Famous Poet Zuhoor Nazar. KHud Ko Pane Ki Talab Mein Aarzu Uski Bhi Thi is written by Zuhoor Nazar. Read famous Poem KHud Ko Pane Ki Talab Mein Aarzu Uski Bhi Thi for youth and Student by Zuhoor Nazar. Free Download KHud Ko Pane Ki Talab Mein Aarzu Uski Bhi Thi in PDF.