عشق میں معرکے بلا کے رہے

عشق میں معرکے بلا کے رہے

آخرش ہم شکست کھا کے رہے

یہ الگ بات ہے کہ ہارے ہم

حشر اک بار تو اٹھا کے رہے

سفر غم کی بات جب بھی چلی

تذکرے تیرے نقش پا کے رہے

جب بھی آئی کوئی خوشی کی گھڑی

دن غموں کے بھی یاد آ کے رہے

جس میں سارا ہی شہر دفن ہوا

فیصلے سب اٹل ہوا کے رہے

اپنی صورت بگڑ گئی لیکن

ہم انہیں آئینہ دکھا کے رہے

ہونٹ تک سی دیے تھے پھر بھی نظرؔ

ظلم کی داستاں سنا کے رہے

(1420) ووٹ وصول ہوئے

Your Thoughts and Comments

Ishq Mein Marke Bala Ke Rahe In Urdu By Famous Poet Zuhoor Nazar. Ishq Mein Marke Bala Ke Rahe is written by Zuhoor Nazar. Enjoy reading Ishq Mein Marke Bala Ke Rahe Poem on Inspiration for Students, Youth, Girls and Boys by Zuhoor Nazar. Free Dowlonad Ishq Mein Marke Bala Ke Rahe by Zuhoor Nazar in PDF.