Jitni Bhi Tez Ho Sake Raftar Kar Ke Dekh

jitni bhi tez ho sake raftar kar ke dekh

phir apni KHwahishon ko giraftar kar ke dekh

diwana hai junun mein guzarta hi jaega

tu raston ko chahe to diwar kar ke dekh

yusuf bhi hai yahan pe zuleKHa-e-waqt bhi

bas misr ki si garmi-e-bazar kar ke dekh

ai mohtasib riwayat-e-kuhna ke naqsh mein

tamir karta jaunga mismar kar ke dekh

shayad isi mein sare masail ka hal mile

sardar hai jo us ko sar-e-dar kar ke dekh

'jawed' gar hai KHwahish-e-taskin-e-qalb-o-jaan

ruKH apna jaanib-e-shah-e-abrar kar ke dekh

(1434) Peoples Rate This

Your Thoughts and Comments

Jitni Bhi Tez Ho Sake Raftar Kar Ke Dekh In English By Famous Poet Zuhoor-ul-Islam Javed. Jitni Bhi Tez Ho Sake Raftar Kar Ke Dekh is written by Zuhoor-ul-Islam Javed. Read famous Poem Jitni Bhi Tez Ho Sake Raftar Kar Ke Dekh for youth and Student by Zuhoor-ul-Islam Javed. Free Download Jitni Bhi Tez Ho Sake Raftar Kar Ke Dekh in PDF.