Humne Sare Harf Likhe To Kis Ke Liye

hum ne sare harf likhe to kis ke liye

likhne ke sau Dhang chune to kis ke liye

kis ki khoj mein hum ne dasht-o-jabal dekhe

basti basti hum jo phire to kis ke liye

patalon mein kis ke rahe hum mutalashi

ta hadd-e-aflak uDe to kis ke liye

kis ki yaad mein umron sar-ba-sujud rahe

honTon par aurad likhe to kis ke liye

kis ka chehra DhunDa dhup aur chhanw mein

aur KHwabon mein rang bhare to kis ke liye

(547) Peoples Rate This

Your Thoughts and Comments

Humne Sare Harf Likhe To Kis Ke Liye In English By Famous Poet Zulfiqar Ahmad Tabish. Humne Sare Harf Likhe To Kis Ke Liye is written by Zulfiqar Ahmad Tabish. Read famous Poem Humne Sare Harf Likhe To Kis Ke Liye for youth and Student by Zulfiqar Ahmad Tabish. Free Download Humne Sare Harf Likhe To Kis Ke Liye in PDF.