Katata Hun Raat-bhar Apne Lahu Ki Dhaar Ko

katata hun raat-bhar apne lahu ki dhaar ko

khinchta hun is tarah inkar se iqrar ko

be-qarari kuchh to ho wajh-e-tasalli ke liye

bhinch kar rakhta hun sine se firaq-e-yar ko

apni gustaKHi pe nadim hun magar kya KHub hai

dhup ki diwar par likhna shabih-e-yar ko

aise kaTta hai jigar aise lahu hota hai dil

kaise kaise aazmata hun nafas ki dhaar ko

nachta hai mere nabzon mein KHarosh-e-KHun ke sath

dhaDkanen ginti hain us ke panw ki raftar ko

reza reza chun raha hun jism-o-jaan ki saaten

Dha raha hai koi meri umr ki diwar ko

ek saat ki judai bhi nahin mujh ko qubul

sath rakhta hun sada yaad-e-firaq-e-yar ko

(610) Peoples Rate This

Your Thoughts and Comments

Katata Hun Raat-bhar Apne Lahu Ki Dhaar Ko In English By Famous Poet Zulfiqar Ahmad Tabish. Katata Hun Raat-bhar Apne Lahu Ki Dhaar Ko is written by Zulfiqar Ahmad Tabish. Read famous Poem Katata Hun Raat-bhar Apne Lahu Ki Dhaar Ko for youth and Student by Zulfiqar Ahmad Tabish. Free Download Katata Hun Raat-bhar Apne Lahu Ki Dhaar Ko in PDF.