Asrar BaDi Der Mein Ye Mujh Pe Khula Hai

asrar baDi der mein ye mujh pe khula hai

anwar ka mamba mere sine mein chhupa hai

kya soch ke bhar aai hain ye jhil si aankhen

kya soch ke dariya ke kinare tu khaDa hai

bujhte hue is dip ka tum hausla dekho

jo subh talak tez hawaon se laDa hai

uftad paDi jab to hua mujh se gurezan

sae ki tarah jo bhi mere sath raha hai

zarraat ki surat na bikhar jae kahin phir

ek KHwab jo aankhon mein meri aan basa hai

(571) Peoples Rate This

Zulfiqar Ahsan's More Poetry

Your Thoughts and Comments

Asrar BaDi Der Mein Ye Mujh Pe Khula Hai In English By Famous Poet Zulfiqar Ahsan. Asrar BaDi Der Mein Ye Mujh Pe Khula Hai is written by Zulfiqar Ahsan. Read famous Poem Asrar BaDi Der Mein Ye Mujh Pe Khula Hai for youth and Student by Zulfiqar Ahsan. Free Download Asrar BaDi Der Mein Ye Mujh Pe Khula Hai in PDF.