Andheron Se Ulajhne Ki Koi Tadbir Karna Hai

andheron se ulajhne ki koi tadbir karna hai

koi rauzan kisi diwar mein tasKHir karna hai

zara dekhun to dam kitna hai is baad-e-muKHalif mein

sar-e-dasht-e-bala ek ghar naya tamir karna hai

nikal aaya hai jo bedad rahon par dil-e-be-KHud

koi nawak-fagan aae use naKHchir karna hai

sar-e-dasht-e-junun jo be-KHudi ke phul khilte hain

unhen raushan dimaghon ke liye iksir karna hai

makan-e-la-makani ka safar mera nahin rukta

tumhaari yaad ko ab panw ki zanjir karna hai

(1213) Peoples Rate This

Your Thoughts and Comments

Andheron Se Ulajhne Ki Koi Tadbir Karna Hai In English By Famous Poet Zulfiqar Naqvi. Andheron Se Ulajhne Ki Koi Tadbir Karna Hai is written by Zulfiqar Naqvi. Read famous Poem Andheron Se Ulajhne Ki Koi Tadbir Karna Hai for youth and Student by Zulfiqar Naqvi. Free Download Andheron Se Ulajhne Ki Koi Tadbir Karna Hai in PDF.