Be-murawwat Hain To Wapas Hi UTha Le Shab-o-roz

be-murawwat hain to wapas hi uTha le shab-o-roz

mujh ko bhate nahin ye tere nirale shab-o-roz

ek ummid ka tara hai sar-e-baam abhi

us ki kirnon se hi hum ne hain ujale shab-o-roz

jo teri yaad ke sae mein guzare hum ne

hain wahi zist ke anmol hawale shab-o-roz

dasht se KHak uTha laya tha ajdad ki main

ghar mein rakkhe to hue chand ke haale shab-o-roz

dast-e-KHunin na kabhi waqt uThae tujh par

hukm lamhon pe chala Dhaal bana le shab-o-roz

apne din-raat se mumkin hai kahan koi farar

dasht-e-wahshat mein utar aur saja le shab-o-roz

(657) Peoples Rate This

Your Thoughts and Comments

Be-murawwat Hain To Wapas Hi UTha Le Shab-o-roz In English By Famous Poet Zulfiqar Naqvi. Be-murawwat Hain To Wapas Hi UTha Le Shab-o-roz is written by Zulfiqar Naqvi. Read famous Poem Be-murawwat Hain To Wapas Hi UTha Le Shab-o-roz for youth and Student by Zulfiqar Naqvi. Free Download Be-murawwat Hain To Wapas Hi UTha Le Shab-o-roz in PDF.