Dur Tak Ek Sarab Dekha Hai

dur tak ek sarab dekha hai

wahshaton ka shabab dekha hai

zau-fishan kyun hain dasht ke zarre

kya koi mahtab dekha hai

baam o dar par hai sholagi raqsan

husn ko be-naqab dekha hai

nama-bar un se bas yahi kahna

nim-jaan ek gulab dekha hai

ab zamin par qadam nahin Tikte

aasman par uqab dekha hai

meri nazron mein bankpan kaisa

jagta hun ki KHwab dekha hai

(599) Peoples Rate This

Your Thoughts and Comments

Dur Tak Ek Sarab Dekha Hai In English By Famous Poet Zulfiqar Naqvi. Dur Tak Ek Sarab Dekha Hai is written by Zulfiqar Naqvi. Read famous Poem Dur Tak Ek Sarab Dekha Hai for youth and Student by Zulfiqar Naqvi. Free Download Dur Tak Ek Sarab Dekha Hai in PDF.